Koronabirusa

Txibitek ez du baztertu Aste Santua baino lehen murrizketa gehiago egitea ospitaleratze kopuruak gora eginez gero

Maria Txibite Nafarroako lehendakariak adierazi duenez, «une honetan» Foru Gobernuak ez du Aste Santurako ostalaritza-establezimenduen barnealdea ixteko asmorik, baina neurri hori hartzea «ez dugu inoiz baztertu» eta, beraz, «datuen bilakaera ikusten segitu» behar da.

 

Azpimarratu duenez, «ospitaleko okupazio-indizea da gehien kezkatzen gaituena». «Une honetan, handitu egin bada ere, nahiko eragin txikia du oraindik», gaineratu du.

Ildo horretan, presidenteak espero du adineko pertsonen txertaketak aurrera egiten duen heinean, «intzidentzia gutxituko dela», eta, beraz, «ospitaleko okupazioa ez dela hain adierazgarria izanen».

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun