COVID-19: Azken datuak

Bederatzi positibo gehiago atzeman dituzte: zortzi Baztanen eta bertze bat Donamarian

Azken datuen arabera, bederatzi positibo atzeman dituzte gure lurraldean: zortzi Baztanen (Amaiur +1, Azpilkueta +1, Elizondo +5 eta Oronoz-Mugairi +1) eta bertze bat Donamarian. Nafarroa osoko azken datuei erreparatuta, positibotasun tasa %5,2koa da eta COVID-19agatik gaixotuta ospitalean 92 pertsona zeuden (horietatik 17 ZIUn). Atzeman zituzten 118 kutsatuen batez bertzeko adina 35 urtekoa da. Iazko martxoaz geroztik COVID-19aren ondorioz Nafarroan hildakoen kopurua 1.121ekoa zen atzo.

Gure lurraldean pandemiaren hasieratik metatutako positiboak errepasatuz gero, 422 dira Doneztebeko osasun eremuan (Malerreka+Bertizarana) atzeman dituztenak, 611 Elizondoko eremuan  (Baztan+Urdazubi+Zugarramurdi), 282 Leitzako eremuan (Arano+Areso+Goizueta+Leitza) eta 477 Bortzirietan.

Nafarroa osoko datuei dagokionez, atzo, martxoak 22, 2.248 proba egin zituzten (978 PCR eta 1.270 antigeno proba) eta horietatik 66k positibo eman zuten (%5,2)

COVID-19ak jota, atzo, martxoak 22, 9 pertsona ospitaleratu zituzten Nafarroan, horietatik 1 ZIUn, eta 0 hildakoren berri eman zuten. Alta eta bajen balantzea egin ondotik, orain 92 daude ospitalean, horietatik 17 ZIUn.

Ikuspegi geografikotik, Iruñean eta Iruñerrian daude positiboen %54, Tuteran %15 eta Lizarran %14. Gainerako positiboak (%17) Nafarroako bertze eskualde batzuen artean daude banatuak.
Txertaketa-planari dagokionez, Nafarroan 100.505 pertsona txertatu dituzte atzoko egunera arte. Atzo, martxoak 22, 745 txerto paratu zituzten eta, oraingoz, 31.373 pertsonek hartu dituzte bi dosiak.
 

Adin-tartekako kasuen banaketari dagokionez, talde nagusiak 15 urtetik beheitikoak dira (%28), eta 30-44 urtekoak (%22). Ondotik, 45-59 urteko taldea dago (%21), eta 15-29 urteko segmentua (%13). Azkenik, 60 eta 75 urte bitarteko taldeak daude (%9), eta 75 urtetik goitikoak (%7). Positibo berrien batez bertzeko adina 35 urtekoa da. Generoari dagokionez, % 53 emakumeak dira eta % 47 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 52.909 pertsonakoa da, eta heriotza kopurua 1.121ekoa.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun