COVID-19: Azken datuak

Bi positibo gehiago atzeman dituzte azken datuen arabera, biak Elizondon

Ttipi-Ttapa 2021ko mar. 20a, 08:23
Deskargatu Info Ahotsak :
Español English Français Català Galego

Alta eta bajen balantzea egin ondotik, orain 72 daude ospitalean, horietatik 16 ZIUn.

Azken datuen arabera, bi positibo atzeman dituzte gure lurraldean: biak Elizondon. Nafarroa osoko azken datuei erreparatuta, positibotasun tasa %8koa da eta COVID-19agatik gaixotuta ospitalean 72 pertsona zeuden (horietatik 16 ZIUn). Atzeman zituzten 100 kutsatuen batez bertzeko adina 37,2 urtekoa da. Iazko martxoaz geroztik COVID-19aren ondorioz Nafarroan hildakoen kopurua 1.118koa zen atzo.

Gure lurraldean pandemiaren hasieratik metatutako positiboak errepasatuz gero, 420 dira Doneztebeko osasun eremuan (Malerreka+Bertizarana) atzeman dituztenak, 599 Elizondoko eremuan  (Baztan+Urdazubi+Zugarramurdi), 280 Leitzako eremuan (Arano+Areso+Goizueta+Leitza) eta 477 Bortzirietan.

Nafarroa osoko datuei dagokionez, atzo, martxoak 19, 1.251 proba egin zituzten (919 PCR eta 332 antigeno proba) eta horietatik 100ek positibo eman zuten (%8)

COVID-19ak jota, atzo, martxoak 19, 4 pertsona ospitaleratu zituzten Nafarroan, horietatik 1 ZIUn, eta 0 hildakoren berri eman zuten. Alta eta bajen balantzea egin ondotik, orain 72 daude ospitalean, horietatik 16 ZIUn.

Ikuspegi geografikotik, Iruñean eta Iruñerrian daude positiboen %46, Tuteran %31 eta Lizarran %10. Gainerako positiboak (%13) Nafarroako bertze eskualde batzuen artean daude banatuak.
Txertaketa-planari dagokionez, Nafarroan 98.455 pertsona txertatu dituzte atzoko egunera arte. Atzo, martxoak 19, 783 txerto paratu zituzten eta, oraingoz, 31.024 pertsonek hartu dituzte bi dosiak.
 

Adin-tartekako kasuen banaketari dagokionez, talde nagusia 15 urtetik beheitikoak dira (%25), eta atzetik 45 eta 59 urte bitartekoak (%24). Ondotik, 30-44 urteko taldea dago (%22). Azkenik, 15-29 urteko eta 60-75 urteko taldeak (%12) eta 75 urtetik gorakoak (%5) daude. Positibo berrien batez bertzeko adina 37,2 urtekoa da. Generoari dagokionez, % 52 emakumeak dira eta % 48 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 52.636 pertsonakoa da, eta heriotza kopurua 1.118koa.

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!