COVID-19: Azken datuak

Nafarroan atzo 119 kasu positibo atzeman zituzten, horietako bat Erratzun

Orain arte, 97.672 pertsona txertatu dituzte Nafarroan eta horietatik 30.879k hartu dituzte bi dosiak.

Azken datuen arabera, positibo bakarra atzeman dute gure lurraldean: bat Erratzun. Nafarroa osoko azken datuei erreparatuta, positibotasun tasa %6koa da eta COVID-19agatik gaixotuta ospitalean 68 pertsona zeuden (horietatik 18 ZIUn). Atzeman zituzten 119 kutsatuen batez bertzeko adina 41,8 urtekoa da. Iazko martxoaz geroztik COVID-19aren ondorioz Nafarroan hildakoen kopurua 1.118koa zen atzo.

Gure lurraldean pandemiaren hasieratik metatutako positiboak errepasatuz gero, 420 dira Doneztebeko osasun eremuan (Malerreka+Bertizarana) atzeman dituztenak, 597 Elizondoko eremuan  (Baztan+Urdazubi+Zugarramurdi), 280 Leitzako eremuan (Arano+Areso+Goizueta+Leitza) eta 477 Bortzirietan.

Nafarroa osoko datuei dagokionez, atzo, martxoak 18, 1.970 proba egin zituzten (1.024 PCR eta 946 antigeno proba) eta horietatik 119k positibo eman zuten (%6)

COVID-19ak jota, atzo, martxoak 18, 7 pertsona ospitaleratu zituzten Nafarroan, horietatik 1 ZIUn, eta 0 hildakoren berri eman zuten. Alta eta bajen balantzea egin ondotik, orain 69 daude ospitalean, horietatik 18 ZIUn.

Ikuspegi geografikotik, Iruñean eta Iruñerrian daude positiboen %53, Tuteran %27 eta Lizarran %15. Gainerako positiboak (%5) Nafarroako bertze eskualde batzuen artean daude banatuak.
Txertaketa-planari dagokionez, Nafarroan 97.672 pertsona txertatu dituzte atzoko egunera arte. Atzo, martxoak 18, 2.817 txerto paratu zituzten eta, oraingoz, 30.879 pertsonek hartu dituzte bi dosiak.
 

Adin-tartekako kasuen banaketari dagokionez, talde nagusia 30 eta 44 urte bitartekoa da (%23), atzetik 15-29 urtekoak eta 45-59 urtekoak (%18). Ondotik, 60 eta 75 urte bitarteko taldeak daude (%16) eta 15 urtetik beheitikoak (%15). Azkenik, 75 urtetik goitikoen taldea dago (%10). Positibo berrien batez bertzeko adina 41,8 urtekoa da. Generoari dagokionez, % 59 emakumeak dira eta % 41 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 52.536 pertsonakoa da, eta heriotza kopurua 1.118koa.

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun