Gure lurraldean pandemiaren hasieratik metatutako positiboak errepasatuz gero, 417 dira Doneztebeko osasun eremuan (Malerreka+Bertizarana) atzeman dituztenak, 595 Elizondoko eremuan (Baztan+Urdazubi+Zugarramurdi), 280 Leitzako eremuan (Arano+Areso+Goizueta+Leitza) eta 477 Bortzirietan.
Nafarroa osoko datuei dagokionez, atzo, martxoak 15, 2.130 proba egin zituzten (1.035 PCR eta 1.095 antigeno proba) eta horietatik 68k positibo eman zuten (%3,2)
COVID-19ak jota, atzo, martxoak 15, 5 pertsona ospitaleratu zituzten Nafarroan, horietatik 0 ZIUn, eta 1 hildakoren berri eman zuten. Alta eta bajen balantzea egin ondotik, orain 71 daude ospitalean, horietatik 14 ZIUn.
Adin-tartekako kasuen banaketari dagokionez, talde nagusiak 15 urtetik beherakoak dira (%26), eta 45 urtetik 59 urtera bitartekoak (%25). Ondotik, 30-44 urteko taldeak daude (%18) eta 60tik 75era bitartekoak (%13). Azkenik, 15-29 urteko taldeak daude (%12) eta 75 urtetik gorakoak (%6). Positibo berrien batez bertzeko adina 37,9 urtekoa da. Generoari dagokionez, % 56 emakumeak dira eta % 44 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 52.247 pertsonakoa da, eta heriotza kopurua 1.116koa.