Gure lurraldean pandemiaren hasieratik metatutako positiboak errepasatuz gero, 416 dira Doneztebeko osasun eremuan (Malerreka+Bertizarana) atzeman dituztenak, 595 Elizondoko eremuan (Baztan+Urdazubi+Zugarramurdi), 280 Leitzako eremuan (Arano+Areso+Goizueta+Leitza) eta 475 Bortzirietan.
Nafarroa osoko datuei dagokionez, atzo, martxoak 14, 946 proba egin zituzten (605 PCR eta 341 antigeno proba) eta horietatik 40k positibo eman zuten (%4,2)
COVID-19ak jota, atzo, martxoak 14, 5 pertsona ospitaleratu zituzten Nafarroan, horietatik 1 ZIUn, eta 0 hildakoren berri eman zuten. Alta eta bajen balantzea egin ondotik, orain 73 daude ospitalean, horietatik 16 ZIUn.
Adin-tartekako kasuen banaketari dagokionez, talde nagusiak 45 eta 59 urte bitartekoak dira (%30), eta 30-44 urtekoak (%20). Ondotik, 60 eta 75 urte bitarteko taldeak daude (%17), eta 15 urtetik beherakoak (%15). Azkenik, 75 urtetik gorakoen taldeak daude (%13) eta 15-29 urtekoenak (%5). Positibo berrien batez bertzeko adina 45,7 urtekoa da. Generoari dagokionez, % 52,5 emakumeak dira eta % 47,5 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 52.179 pertsonakoa da, eta heriotza kopurua 1.115ekoa.