Gure lurraldean pandemiaren hasieratik metatutako positiboak errepasatuz gero, 397 dira Doneztebeko osasun eremuan (Malerreka+Bertizarana) atzeman dituztenak, 566 Elizondoko eremuan (Baztan+Urdazubi+Zugarramurdi), 257 Leitzako eremuan (Arano+Areso+Goizueta+Leitza) eta 440 Bortzirietan.
Nafarroa osoko datuei dagokionez, atzo, otsailak 13, 1.886 proba egin zituzten (1.567 PCR eta 319 antigeno proba) eta horietatik 56k positibo eman zuten (%2,96)
COVID-19ak jota, atzo, otsailak 13, 4 pertsona ospitaleratu zituzten Nafarroan, horietatik 1 ZIUn, eta 0 hildakoren berri eman zuten. Alta eta bajen balantzea egin ondotik, orain 152 daude ospitalean, horietatik 23 ZIUn.
Adin-tartekako kasuen banaketari dagokionez, talde nagusia 45 eta 59 urte bitartekoa da (%25), atzetik 30-44 urte bitartekoa eta 60tik 75era bitartekoa (%19). Ondotik, 15-29 urteko taldea dago (%18), eta 15 urtetik beheitikoak (%14). Azkenik, 75 urtetik goitikoen taldea dago (%5). Positibo berrien batez bertzeko adina 40 urtekoa da. Generoari dagokionez, % 54 emakumeak dira eta % 46 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 50.355 pertsonakoa da, eta heriotza kopurua 1.079koa.