COVID-19: Azken datuak

Bederatzi positibo gehiago atzeman dituzte: lau Baztanen, bina Beran eta Leitzan eta bertze bat Legasan

Ttipi-Ttapa 2021ko ots. 12a, 07:38
Deskargatu Info Ahotsak :
Español English Français Català Galego

Gaur publiko egin dituzten datuen arabera, bederatzi positibo gehiago erregistratu dituzte gure lurraldean: lau Elizondon, bi Beran, bi Leitzan eta bertze bat Legasan. Nafarroa osoko azken datuei erreparatuta, positibotasun tasa %4,1ekoa da eta COVID-19agatik gaixotuta ospitalean 150 pertsona zeuden (horietatik 25 ZIUn). Atzeman zituzten 96 kutsatuen batez bertzeko adina 36,1 urtekoa da. Iazko martxoaz geroztik COVID-19aren ondorioz Nafarroan hildakoen kopurua 1.078koa zen atzo.

Gure lurraldean pandemiaren hasieratik metatutako positiboak errepasatuz gero, 396 dira Doneztebeko osasun eremuan (Malerreka+Bertizarana) atzeman dituztenak, 559 Elizondoko eremuan  (Baztan+Urdazubi+Zugarramurdi), 257 Leitzako eremuan (Arano+Areso+Goizueta+Leitza) eta 436 Bortzirietan.

Nafarroa osoko datuei dagokionez, atzo, otsailak 11, 2.340 proba egin zituzten (1.366 PCR eta 974 antigeno proba) eta horietatik 96k positibo eman zuten (%4,1)

COVID-19ak jota, atzo, otsailak 11, 2 pertsona ospitaleratu zituzten Nafarroan, horietatik 2 ZIUn, eta 4 hildakoren berri eman zuten. Alta eta bajen balantzea egin ondotik, orain 150 daude ospitalean, horietatik 25 ZIUn.

Ikuspegi geografikotik, Iruñean eta Iruñerrian daude positiboen %74, Tuteran %3 eta Lizarran %2. Gainerako positiboak (%21) Nafarroako bertze eskualde batzuen artean daude banatuak.
Txertaketa-planari dagokionez, Nafarroan 40.724 pertsona txertatu dituzte atzoko egunera arte. Atzo, otsailak 11, 1.796 txerto paratu zituzten eta, oraingoz, 14.820 pertsonek hartu dituzte bi dosiak.
 

Adin-tartekako kasuen banaketari dagokionez, talde nagusiak 45 eta 59 urte bitartekoak dira, eta 15 urtetik beheitikoak, %24 eta %22, hurrenez hurren. Ondotik, 15-29 urteko taldeak daude (%21), eta 30-44 urtekoak (%20). Azkenik, 75 urtetik goitikoen taldeak (%7) eta 60 eta 75 urte bitartekoen taldeak (%6) kutsatze berrien %6 dira. Positibo berrien batez bertzeko adina 36,1 urtekoa da. Generoari dagokionez, % 50 emakumeak dira eta % 50 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 50.217 pertsonakoa da, eta heriotza kopurua 1.078koa.

 

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!