Nafarroako Gobernuak otsailaren 25era arte luzatuko ditu orain indarrean dituen murrizketa guztiak: ostalaritzako establezimenduen barnean kontsumitzeko debekua, saltokietako eta bestelako jardueretako edukieraren murrizketa, eremu pribatuko bilerak elkarrekin bizi direnei mugatzea, itxiera perimetrala eta etxeratze agindua 23:00etatik 06:00etara.
Azken datuen arabera, azkeneko bi asteotan 432,6 kasu positibo atzeman dituzte 100.000 biztanleko eta 196,5 azkeneko astean. Era berean, atzo 180 pertsona zeuden ospitaleratuak, horietatik 31 ZIUn.
Bi parametro horien konbinazioak, epidemiologikoa eta ospitaleratze tasarenak, Foru Erkidegoa oraindik ere «arrisku oso handiko» egoeran dagoela adierazten du gobernuaren iritziz, eta, beraz, aurreko asteko joera positiboa sendotzeko komeni dela prebentzio- eta babes-neurriei eustea.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.