Gure lurraldean pandemiaren hasieratik metatutako positiboak errepasatuz gero, 388 dira Doneztebeko osasun eremuan (Malerreka+Bertizarana) atzeman dituztenak, 540 Elizondoko eremuan (Baztan+Urdazubi+Zugarramurdi), 251 Leitzako eremuan (Arano+Areso+Goizueta+Leitza) eta 413 Bortzirietan.
Nafarroa osoko datuei dagokionez, atzo, otsailak 1, 3.098 proba egin zituzten (1.804 PCR eta 1.294 antigeno proba) eta horietatik 191k positibo eman zuten (%6,2)
COVID-19ak jota, atzo, otsailak 1, 10 pertsona ospitaleratu zituzten Nafarroan, horietatik 0 ZIUn, eta 4 hildakoren berri eman zuten. Alta eta bajen balantzea egin ondotik, orain 198 daude ospitalean, horietatik 34 ZIUn.
Adin-tartekako kasuen banaketari dagokionez, talde nagusia 45 eta 59 urte bitartekoa da (%24); ondotik, 30 eta 44 urte bitarteko taldeak (%20) eta 15 urtetik beheitikoak (%19). Ondoren, 15-29 urteko taldea dago, %14rekin, eta 60tik 75era bitartekoa, %13arekin. Azkenik, 75 urtetik goitikoen taldeak kutsatze berrien %10 dira. Positibo berrien batez bertzeko adina 40,7 urtekoa da. Generoari dagokionez, % 52 emakumeak dira eta % 48 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 48.837 pertsonakoa da, eta heriotza kopurua 1.039koa.