COVID-19: Azken datuak

Sei positibo gehiago azken orduetan: hiru Bortzirietan, bi Malerrekan eta bat Baztanen

Ttipi-Ttapa 2021ko ots. 1a, 07:33
Deskargatu Info Ahotsak :
Español English Français Català Galego

Covid-19arekin 207 gaixo daude ospitaleratuak, horietatik 35 ZIUn, azpaldiko daturik txarrenak.

Gaur publiko egin dituzten datuen arabera, sei positibo gehiago erregistratu dituzte gure lurraldean: hiru Bortzirietan, bi Malerrekan (Ituren +1 eta Doneztebe +1) eta bat Elizondon. Nafarroa osoko azken datuei erreparatuta, positibotasun tasa %5,4koa da eta COVID-19agatik gaixotuta ospitalean 207 pertsona zeuden (horietatik 35 ZIUn). Atzeman zituzten 161 kutsatuen batez bertzeko adina 40,9 urtekoa da. Iazko martxoaz geroztik COVID-19aren ondorioz Nafarroan hildakoen kopurua 1.035ekoa zen atzo.

Gure lurraldean pandemiaren hasieratik metatutako positiboak errepasatuz gero, 388 dira Doneztebeko osasun eremuan (Malerreka+Bertizarana) atzeman dituztenak, 536 Elizondoko eremuan  (Baztan+Urdazubi+Zugarramurdi), 251 Leitzako eremuan (Arano+Areso+Goizueta+Leitza) eta 412 Bortzirietan.

Nafarroa osoko datuei dagokionez, atzo, urtarrilak 31, 2.993 proba egin zituzten (1.606 PCR eta 1.387 antigeno proba) eta horietatik 161ek positibo eman zuten (%5,4)

COVID-19ak jota, atzo, urtarrilak 31, 4 pertsona ospitaleratu zituzten Nafarroan, horietatik 4 ZIUn, eta 2 hildakoren berri eman zuten. Alta eta bajen balantzea egin ondotik, orain 207 daude ospitalean, horietatik 35 ZIUn.

Ikuspegi geografikotik, Iruñean eta Iruñerrian daude positiboen %64, Tuteran %10 eta Lizarran %6. Gainerako positiboak (%20) Nafarroako bertze eskualde batzuen artean daude banatuak.
Txertaketa-planari dagokionez, Nafarroan 25.615 pertsona txertatu dituzte atzoko egunera arte. Atzo, urtarrilak 31, 258 txerto paratu zituzten eta, oraingoz, 5.323 pertsonek hartu dituzte bi dosiak.
 

Adin-tartekako kasuen banaketari dagokionez, talde nagusia 45 eta 59 urte bitartekoa da (%27), ondotik 15 urtetik beherako taldea (%19) eta 15-29 urtekoen taldea (%18). Haueen atzetik, 30 eta 44 urte bitarteko adingabeak daude (%15), eta 60 eta 75 urte bitartekoak (%14). Azkenik, 75 urtetik gorakoak %7 dira. Positibo berrien batez bertzeko adina 40,9 urtekoa da. Generoari dagokionez, % 56 emakumeak dira eta % 44 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 48.291 pertsonakoa da, eta heriotza kopurua 1.035ekoa.

 

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!