Gisa berean, etxeetan etxekoak bakarrik elkartu ahal izanen dira. Santos Indurain kontseilariak iragarri duenez, datu epidemiologikoen bilakaeraren arabera berrikusiko dituzte aipatutako neurri hauek.
Hala, «Gabonetan behera egin ondotik, orain gora egin dute kutsatuen kopuruek». Joera horrek adierazten du Covid-19ak Nafarroan izan duen eragina handitu egin dela (100.000 biztanleko 486 kasu 14 egunetan), eta, beraz, arrisku handiko egoeran gaudela gaur-gaurkoz. Hala ere, ñabardura hau egin du kontseilariak: «hazkunde hori ez da esponentziala izan urrian gertatu zen bezala, mailakakoa izan da», eta agian «hazkundea moteldu edo leundu egin daiteke».