Lehenik, emakumezkoen lokotx-biltze txapelketa jokatu zen. Ultzamako Ainhoa Iraizoz nagusitu zen (7:32), bigarren izan zen Maika Ariztegi iturendarra (7:56) eta hirugarren Arabako Zuriñe Frutos (8.13).
Ondotik, gizonezkoen lokotx-biltze txapelketan unai Iantzik lortu zuen txapela, marka bikain batekin (6.02). Bertze nafarrak, Aitor Blancok lortu zuen bigarren postua (6.14). Ondotik, bizkaitarrak sailkatu ziren, Aritz Martin (6.22) eta Patrick Saitua (6.45), Xabier Vegas arabarra bosgarren izan zen (6.46), Mattin Jauregi gipuzkoarra seigarren (7.03), Jon Vegas arabarra zazpigarren (7.14) eta Uxer Mozo gipuzkoarra zortzigarren (7.34).
Ondotik, emakumeen ingude-jasotze txapelketa jokatu zuten, 10 kiloko ingudearekin, minutu eta erdian ahalik eta jasoaldi gehien egitera. Hiru bizkaitarrek osatu zuten podioa. Txapeldun, Karmele Gisasola izan zen (97 jasoaldi), bigarren Valentina Rancel (91 jasoaldi) eta hirugarren Nerea Egurrola (90 jasoaldi). Podiotik jasoaldi bakarrera gelditu zen Maika Ariztegi iturendarra (89 jasoaldi). Garazi Arruti bizkaitarra bosgarren izan zen (85 jasoaldi) eta Esti Cidad arabarra seigarren (80 jasoaldi).
Azkenik, gizonezkoak aritu ziren 18 kiloko ingudearekin. Gipuzkoako Gorka Etxeberriak eta Iosu Marturet nafarrak 87na jasoaldi egin zituzten, baina gipuzkoarra pisuz arinagoa izanik, beretzat izan zen txapela Josetxo Urrutia leitzarra bietatik jasoaldi bakarrera gelditu zen (86 jasoaldi) podioko hirugarren koxkan. Igotz Ardeo bizkaitarra laugarren izan zen (80 jasoaldi), Unai Goitia gipuzkoarra bosgarren (78 jasoaldi), Jon Ander Malaina bizkaitarra seigarren (77 jasoaldi), Unai Ardeo bizkaitarra zazpigarren (77 jasoaldi) eta Pablo Alvarez bizkaitarra zortzigarren (67 jasoaldi).
