Gure lurraldean pandemiaren hasieratik metatutako positiboak errepasatuz gero, 342 dira Doneztebeko osasun eremuan (Malerreka+Bertizarana) atzeman dituztenak, 509 Elizondoko eremuan (Baztan+Urdazubi+Zugarramurdi), 238 Leitzako eremuan (Arano+Areso+Goizueta+Leitza) eta 356 Bortzirietan.
Nafarroa osoko datuei dagokionez, atzo, urtarrilak 16, 1.963 proba egin zituzten (1.654 PCR eta 309 antigeno proba) eta horietatik 158k positibo eman zuten (%8,1)
Covid-19ak jota, atzo, urtarrilak 16, 5 pertsona ospitaleratu zituzten Nafarroan, 1 ZIUn, eta 1 hildakoren berri eman zuten. Alta eta bajen balantzea egin ondotik, orain 133 daude ospitalean, horietatik 15 ZIUn.
Adin-tartekako kasuen banaketari dagokionez, talde nagusiak 45 eta 59 urte bitartekoak dira (%26), eta 30-44 urtekoak (%21). Ondotik, 15-29 urteko taldeak eta 75 urtetik goitikoak daude (%17 bi kasuetan). Azkenik, 60 eta 75 urte bitarteko taldeak daude (%13), eta 15 urtetik beheitikoak (%6). Positibo berrien batez bertzeko adina 47,9 urtekoa da. Generoari dagokionez, % 54 emakumeak dira eta % 46 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 45.059 pertsonakoa da, eta heriotza kopurua 991ekoa da.