Gure lurraldean pandemiaren hasieratik metatutako positiboak errepasatuz gero, 320 dira Doneztebeko osasun eremuan (Malerreka+Bertizarana) atzeman dituztenak, 482 Elizondoko eremuan (Baztan+Urdazubi+Zugarramurdi), 232 Leitzako eremuan (Arano+Areso+Goizueta+Leitza) eta 327 Bortzirietan.
Nafarroa osoko datuei dagokionez, atzo, abenduak 22, 2.103 proba egin zituzten (1.477 PCR eta 626 antigenoen proba) eta horietatik 70ek positibo eman zuten (%3,3)
Covid-19ak jota, atzo, abenduak 22, 5 pertsona ospitaleratu zituzten Nafarroan, 1 ZIUn, eta 2 hildakoren berri eman zuten. Alta eta bajen balantzea egin ondotik, orain 127 daude ospitalean, horietatik 17 ZIUn.
Adin-tartekako kasuen banaketari dagokionez, talde nagusiak 30 eta 44 urte bitartekoak dira (%30) eta 60 eta 75 urte bitartekoak (%22); atzetik datoz 15 urtetik beheitikoak (%16). Ondoren, 45 eta 59 urte bitarteko taldea (kasuen %15) eta 15-29 urteko tartea (%12). Azkenik, 75 urtetik gorakoen taldea dago (%5). Positibo berrien batez bertzeko adina 43,1 urtekoa da. Generoari dagokionez, % 51 emakumeak dira eta % 49 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 41.615 pertsonakoa da, eta heriotza kopurua 950ekoa da.