COVID-19: Azken datuak

Bortz positibo gehiago azken orduetan: hiru Elizondon eta bi Legasan

Ttipi-Ttapa 2020ko abe. 21a, 07:30
Atzo, abenduak 20, behin betiko datuen arabera Nafarroan 57 positibo atzeman zituzten.

Osasun agintariek gaur publiko egin dituzten datuen arabera, bortz positibo gehiago erregistratu dituzte gure lurraldean: hiru Elizondon eta bertze bi Legasan. Nafarroa osoko azken datuei erreparatuta, positibotasun tasa %5,8koa da eta Covid-19agatik gaixotuta ospitalean 148 pertsona zeuden (18 ZIUn). Atzeman zituzten 57 kutsatuen batez bertzeko adina 31,6 urtekoa da. Covid-19aren ondorioz martxoaz geroztik Nafarroan hildakoen kopurua 948koa da.

Gure lurraldean pandemiaren hasieratik metatutako positiboak errepasatuz gero, 320 dira Doneztebeko osasun eremuan (Malerreka+Bertizarana) atzeman dituztenak, 481 Elizondoko eremuan  (Baztan+Urdazubi+Zugarramurdi), 230 Leitzako eremuan (Arano+Areso+Goizueta+Leitza) eta 327 Bortzirietan.

Nafarroa osoko datuei dagokionez, atzo, abenduak 20, 975 proba egin zituzten (734 PCR eta 241 antigenoen proba) eta horietatik 57k positibo eman zuten (%5,8)

Covid-19ak jota, atzo, abenduak 5, 0 pertsona ospitaleratu zituzten Nafarroan, 0 ZIUn, eta 5 hildakoren berri eman zuten. Alta eta bajen balantzea egin ondotik, orain 148 daude ospitalean, horietatik 18 ZIUn.

Ikuspegi geografikotik, Iruñean eta Iruñerrian daude positiboen %76, Tuteran %9 eta Lizarran %3. Gainerako positiboak (%12) Nafarroako bertze eskualde batzuen artean daude banatuak.
 

Adin-tartekako kasuen banaketari dagokionez, talde nagusia 15-29 urtekoa da (%31), eta atzetik 15 urtetik beherakoak (%22). Ondotik, 45 eta 59 urte bitarteko taldea, kasuen %19, eta 30-44 urte bitartekoa, %16. Azkenik, 60 eta 75 urte bitarteko taldeak daude (%10); ondotik, 75 urtetik gorakoak (%2). Positibo berrien batez bertzeko adina 31,6 urtekoa da. Generoari dagokionez, % 47 emakumeak dira eta % 53 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 41.466 pertsonakoa da, eta heriotza kopurua 948koa da.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun