Gure lurraldean pandemiaren hasieratik metatutako positiboak errepasatuz gero, 318 dira Doneztebeko osasun eremuan (Malerreka+Bertizarana) atzeman dituztenak, 478 Elizondoko eremuan (Baztan+Urdazubi+Zugarramurdi), 230 Leitzako eremuan (Arano+Areso+Goizueta+Leitza) eta 327 Bortzirietan.
Nafarroa osoko datuei dagokionez, atzo, abenduak 19, 1.808 proba egin zituzten (1.042 PCR eta 766 antigenoen proba) eta horietatik 72k positibo eman zuten (%4)
Covid-19ak jota, atzo, abenduak 19, 5 pertsona ospitaleratu zituzten Nafarroan, 2 ZIUn, eta 5 hildakoren berri eman zuten. Alta eta bajen balantzea egin ondotik, orain 149 daude ospitalean, horietatik 18 ZIUn.
Adin-tartekako kasuen banaketari dagokionez, talde nagusia 45 eta 59 urte bitartekoa da (%26), eta atzetik 15 eta 29 urte bitartekoa (%24). Ondotik, 15 urtetik beheheikoen taldea (%22) eta 30-44 urte bitartekoen taldea (%21). Azkenik, 75 urtetik goitikoen taldea dago (%4), eta 60tik 75era bitartekoen taldea (%3). Positibo berrien batez bertzeko adina 33,8 urtekoa da. Generoari dagokionez, % 47 emakumeak dira eta % 53 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 41.409 pertsonakoa da, eta heriotza kopurua 943koa da.