COVID-19: Azken datuak

Bederatzi positibo gehiago atzeman dituzte: 5 Arantzan, 3 Leitzan eta bat Urdazubin

Ttipi-Ttapa 2020ko abe. 13a, 08:42
Deskargatu Info Ahotsak :
Español English Français Català Galego

Atzo, abenduak 12, behin betiko datuen arabera Nafarroan 93 positibo atzeman zituzten.

Arantzakoa deigarria da, Nafarroa osoan ez baita bertze herririk kutsatu kopuru horretatik goiti dabilenik. Iruñean, Barañainen, Buñuelen eta Noainen ere bortz positibo atzeman dituzte, baina Nafarroako gainerako udalerri guztiak hortik beheiti gelditu dira. Dena den, azken datuen arabera, bederatzi positibo atzeman dituzte gure lurraldean: 5 Arantzan, hiru Leitzan eta bat Urdazubin. Doneztebeko osasun eremuan ez dute bertze positiborik atzeman. Nafarroa osoko azken datuei erreparatuta, positibotasun tasa %5,2koa da eta Covid-19agatik gaixotuta ospitalean 161 pertsona zeuden (21 ZIUn). Atzeman zituzten 93 kutsatuen batez bertzeko adina 39 urtekoa da. Covid-19aren ondorioz martxoaz geroztik Nafarroan hildakoen kopurua 922koa da. 

Gure lurraldean pandemiaren hasieratik metatutako positiboak errepasatuz gero, 314 dira Doneztebeko osasun eremuan (Malerreka+Bertizarana) atzeman dituztenak, 475 Elizondoko eremuan  (Baztan+Urdazubi+Zugarramurdi), 221 Leitzako eremuan (Arano+Areso+Goizueta+Leitza) eta 327 Bortzirietan.

Nafarroa osoko datuei dagokionez, atzo, abenduak 12, 1.778 proba egin zituzten (1.239 PCR eta 539 antigenoen proba) eta horietatik 93k positibo eman zuten (%5,2)

Covid-19ak jota, atzo, abenduak 12, 3 pertsona ospitaleratu zituzten Nafarroan, (0) ZIUn, eta (3) hildakoren berri eman zuten. Alta eta bajen balantzea egin ondotik, orain 161 daude ospitalean, horietatik 21 ZIUn.

Ikuspegi geografikotik, Iruñean eta Iruñerrian daude positiboen %59, Tuteran %18 eta Lizarran %2. Gainerako positiboak (%21) Nafarroako bertze eskualde batzuen artean daude banatuak.
 

Adin-tartekako kasuen banaketari dagokionez, talde nagusia 30 eta 44 urte bitartekoa da (%23), eta atzetik 45 eta 59 urte bitartekoa (%22). Ondotik, 15 eta 29 urte arteko tartean, %19; 15 urtetik beheitikoen artean, %16; gero, 60 eta 75 urte bitartekoen artean, %11; eta, azkenik, 75 urtetik goitikoen artean, %9. Positibo berrien batez bertzeko adina 39,2 urtekoa da. Generoari dagokionez, % 51 emakumeak dira eta % 49 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 40.786 pertsonakoa da, eta heriotza kopurua 922koa da.

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!