Etxebizitza Zuzendaritza Nagusiaren bidez, Exekutiboak etxebizitzei buruz duen informazio ofizialarekin alderatu nahi du, eta, dituzten datuak berresten badira, etxebizitza hutsen errolda osatuko da. Errolda osatu ondoren, etxebizitza hauek alokairu-merkatuaren eskura paratzea da helburua.
Proiektuaren lehen fasea ekainean hasi zen. Bigarren fase honetan herri hauetako etxebizitzak aztertuko dira: Lizarra (51 etxebizitza), Barañain (17), Sarriguren (1), Zizur Nagusia (33), Mutiloa (20), Atarrabia (63), Berriozar (20), Cintruenigo (67), Noain (29), Uharte (34), Milagro (37), San Adrian (16), Cortes (25), Lodosa (37), Martzilla (50), Viana (29), Mendavia (13), Beriain (19), Cascante (29), Artika (11), Bera (94), Orkoien (4), Castejón (52), Elizondo (64), Azagra (13), Ayegi (8), Gares (11), Andosilla (12) eta Irurtzun (25).
Pilotu fasea
Lehenengo fasean, hutsik egon zitezkeen 2.638 eraikini buruzko informazioa alderatu zen, ur-kontsumoaren maila kontuan hartuta. Jabeekin harremanetan jarri ondoren, 1.971 etxebizitza huts egiaztatu ziren; 667 titularrek egiaztatu zuten, hainbat etxebizitza okupatuta zeudela.