Gure lurraldean pandemiaren hasieratik metatutako positiboak errepasatuz gero, 311 dira Doneztebeko osasun eremuan (Malerreka+Bertizarana) atzeman dituztenak, 455 Elizondoko eremuan (Baztan+Urdazubi+Zugarramurdi), 215 Leitzako eremuan (Arano+Areso+Goizueta+Leitza) eta 320 Bortzirietan.
Nafarroa osoko datuei dagokionez, atzo, abenduak 5, 1.067 proba egin zituzten (823 PCR eta 244 antigenoen testa) eta horietatik 66k positibo eman zuten (%6,2)
Covid-19ak jota, atzo, abenduak 5, 5 pertsona ospitaleratu zituzten Nafarroan, (0) ZIUn, eta 2 hildakoren berri eman zuten. Alta eta bajen balantzea egin ondotik, orain 150 daude ospitalean, horietatik 26 ZIUn.
Adin-tartekako kasuen banaketari dagokionez, talde nagusiak dira 15-26 urte bitartekoak (%26) eta 15 urtetik beheitikoak (%24). Ondotik, 30-44 urteko tartea, kasuen %19rekin, eta 45 eta 59 urte bitartekoa, %14arekin. 75 urtetik goitikoen taldean kasuen %12 sartzen da, eta, azkenik, 60 eta 75 urte bitartekoen taldean dago, positiboen %5 biltzen baitute. Kasu berrien batez bertzeko adina 37,1 urtekoa da. Generoari dagokionez, % 48 emakumeak dira eta % 52 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 40.167 pertsonakoa da, eta heriotza kopurua 900ekoa da.