Gure lurraldean pandemiaren hasieratik metatutako positiboak errepasatuz gero, 310 dira Doneztebeko osasun eremuan (Malerreka+Bertizarana) atzeman dituztenak, 455 Elizondoko eremuan (Baztan+Urdazubi+Zugarramurdi), 215 Leitzako eremuan (Arano+Areso+Goizueta+Leitza) eta 320 Bortzirietan.
Nafarroa osoko datuei dagokionez, atzo, abenduak 4, 1.675 proba egin zituzten (1.007 PCR eta 668 antigenoen testa) eta horietatik 101ek positibo eman zuten (%6)
Covid-19ak jota, atzo, abenduak 4, 6 pertsona ospitaleratu zituzten Nafarroan, (0) ZIUn, eta 3 hildakoren berri eman zuten. Alta eta bajen balantzea egin ondotik, orain 145 daude ospitalean, horietatik 29 ZIUn.
Adin-tartekako kasuen banaketari dagokionez, talde nagusiak 45 eta 59 bitartekoak dira (%30), eta 15 urtetik beheitikoak (%17). Ondotik, 30-44 urteko tartea, kasuen %16rekin, eta 15-29 urtekoa, %14arekin. 75 urtetik goitikoen taldean kasuen %13 sartzen da, eta, azkenik, 60 eta 75 urte bitartekoen taldean, positiboen %10 biltzen da. Kasu berrien batez bertzeko adina 43,4 urtekoa da. Generoari dagokionez, % 55 emakumeak dira eta % 45 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 40.101 pertsonakoa da, eta heriotza kopurua 898koa da.