COVID-19: Azken datuak

Bertze egun batez positibo bakarra atzeman dute gure lurraldean

Ttipi-Ttapa 2020ko abe. 1a, 07:45
Deskargatu Info Ahotsak :
Español English Français Català Galego

Atzo, azaroak 30, behin betiko datuen arabera Nafarroan 67 positibo atzeman zituzten.

Azken egunetako joerarekin segituz, atzo ere positibo bakarra atzeman zuten gure lurraldean: Azpilkuetan. Lesakako, Doneztebeko eta Leitzako osasun eremuetan ez du bertze positiborik atzeman. Nafarroako azken datuei erreparatuta, positibotasun tasa %4,6koa zen atzo baina, hala ere, 173 pertsona daude ospitalean (33 ZIUn) eta atzeman zituzten 67 kutsatuen batez bertzeko adina 36 urtekoa da. Covid-aren ondorioz martxoaz geroztik Nafarroan hildakoen kopurua 886koa da.

Gure lurraldean pandemiaren hasieratik metatutako positiboak errepasatuz gero, 304 dira Doneztebeko osasun eremuan (Malerreka+Bertizarana) atzeman dituztenak, 454 Elizondoko eremuan  (Baztan+Urdazubi+Zugarramurdi), 215 Leitzako eremuan (Arano+Areso+Goizueta+Leitza) eta 313 Bortzirietan.

Nafarroa osoko datuei dagokionez, atzo, azaroak 30, 1.452 proba egin zituzten (926 PCR eta 526 antigenoen testa) eta horietatik 67k positibo eman zuten (%4,6)

Covid-19ak jota, atzo, azaroak 30, 2 pertsona ospitaleratu zituzten Nafarroan, 1 ZIUn, eta 9 hildakoren berri eman zuten. Alta eta bajen balantzea egin ondotik, orain 173 daude ospitalean, horietatik 33 ZIUn.

Ikuspegi geografikotik, Iruñean eta Iruñerrian daude positiboen %57, Tuteran %17 eta Lizarran %7. Gainerako positiboak (%19) Nafarroako bertze eskualde batzuen artean daude banatuak.
 

Adin-tartekako kasuen banaketari dagokionez, talde nagusiak 45 eta 59 urte bitartekoak dira (%30), eta 15 eta 29 urtekoak (%23). Ondotik, 30-44 urteko taldea dago, kasuen %14rekin, eta 15 urtetik beheitikoak eta 75 urtetik goitikoak (%12). Azkenik, 60 eta 75 urte bitarteko tartea,% 9, hurrenez hurren. Kasu berrien batez bertzeko adina 42,9 urtekoa da. Generoari dagokionez, % 61 emakumeak dira eta % 39 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 39.737 pertsonakoa da, eta heriotza kopurua 886koa da.

 

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!