COVID-19: Azken datuak

Zazpi positibo gehiago azken orduetan; bortz Lesakan, bat Iturenen eta bertze bat Elizondon

Ttipi-Ttapa 2020ko aza. 19a, 07:46
Lesakako bortz positibo horietatik lau Andre Mari zahar etxean atzeman dituzte.

Azken datuen arabera bertze zazpi pertsona gehiago kutsatu dira gure lurraldean. Horietatik bortz Bortzirietan (Lesaka +5), bat Elizondoko osasun eremuan (Elizondo +1) eta bat Doneztebeko eremuan (Ituren +1). Leitzako osasun eremuan, aldiz, ez dute kasu berririk atzeman azken orduetan.

Gure lurraldean pandemiaren hasieratik metatutako positiboak errepasatuz gero, 301 dira Doneztebeko osasun eremuan (Malerreka+Bertizarana) atzeman dituztenak, 450 Elizondoko eremuan  (Baztan+Urdazubi+Zugarramurdi), 212 Leitzako eremuan (Arano+Areso+Goizueta+Leitza) eta 297 Bortzirietan.

Nafarroa osoko datuei dagokionez, atzo, azaroak 18, 2.065 proba egin zituzten (1.229 PCR eta 836 antigenoen testa) eta horietatik 138k positibo eman zuten (%6,7)

Covid-19ak jota, atzo, azaroak 18, 10 pertsona ospitaleratu zituzten Nafarroan, horietatik 1 ZIUn, eta 7 hildakoren berri eman zuten. Alta eta bajen balantzea egin ondotik, orain 292 daude ospitalean, horietatik 55 ZIUn.

Ikuspegi geografikotik, Iruñean eta Iruñerrian daude positiboen %434, Tuteran %18 eta Lizarran %15. Gainerako positiboak (%24) Nafarroako bertze eskualde batzuen artean daude banatuak.
 

Adin-tartekako kasuen banaketari dagokionez, talde handiena 45 eta 59 urte artekoa da (% 24), eta ondotik 15 eta 29 urte artekoa ( % 19). Segidan, 15 urtetik beheitikoen taldea % 18 eta 30-44 urte bitartekoa % 17; 75 urtetik goitikoak, % 12; eta, azkenik, 60 eta 75 urte bitartekoak, % 10. Kasu berrien batez bertzeko adina 40,3 urtekoa da. Generoari dagokionez, % 50 emakumeak dira eta % 50 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 38.160 pertsonakoa da, eta heriotza kopurua 819koa da.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun