Koronabirusa

Ostalaritzak itxita segituko du abenduaren 2ra arte

Javier Remirez eta Santos Indurain kontseilariek gaur eguerdian jakitera eman dutenez, ostalaritzaren itxiera abenduaren 2ra arte luzatzea erabaki du Nafarroako Gobernuak, nahiz eta egoerak hobera eginen balu, kasu horretan azaroaren 26tik aitzinera taberna eta jatetxeetako terrazak irekitzeko aukera ez duten baztertu.

Halaber, Nafarroan sartu eta ateratzeko orain dauden murriztapenak bere horretan segituko dute abenduaren 18ra arte, baita espazio publikoetan sei pertsona baino gehiago biltzeko debekuak eta berdin eremu pribatuan elkartzerakoan, bakarrik elkarbizitza-unitatera (etxean bizi direnetara) mugatzearen aginduak ere.

Gaueko etxeratze aginduari dagokionez, azkenik, alarma-egoerak irauten duen bitartean segituko du indarrean.

Eguberriei begira, berriz, Maria Txibite lehendakariak adierazi duenez, «ikusi beharko dugu zein daturekin ailegatzen garen». Baina argi utzi du «Eguberrietan ez ditugula ospakizun eta afari jendetsuak ikusiko. Seguruenik familia osoa ezin izanen da mahaiaren bueltan elkartu, baina etxe berekoak ez diren pertsonak elkartzeari dagokionez, neurriak arintzen saiatuko gara».

 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun