Gure lurraldean pandemiaren hasieratik metatutako positiboak errepasatuz gero, 297 dira Doneztebeko osasun eremuan (Malerreka+Bertizarana) atzeman dituztenak, 442 Elizondoko eremuan (Baztan+Urdazubi+Zugarramurdi), 208 Leitzako eremuan (Arano+Areso+Goizueta+Leitza) eta 277 Bortzirietan.
Nafarroa osoko datuei dagokionez, atzo, azaroak 13, 2.910 proba egin zituzten (2.088 PCR eta 822 antigeno-testa) eta horietatik 209k positibo eman zuten (%7,2)
Covid-19ak jota, atzo, azaroak 13, 20 pertsona ospitaleratu zituzten Nafarroan, horietatik 1 ZIUn, eta 3 hildakoren berri eman zuten. Alta eta bajen balantzea egin ondotik, orain 317 daude ospitalean, horietatik 60 ZIUn.
Adin-tartekako kasuen banaketari dagokionez, talde nagusia 45 eta 59 urte bitartekoa da (%27), eta atzetik 15 urtetik beheitikoak (%19). Horren ondotik, 75 urtetik goitikoena dago (%18), eta, ondotik, 30 eta 44 urte artekoena (%14) eta 15 eta 29 urte artekoena (%13); azkenik, 60 eta 75 urte artekoena (%9). Kasu berrien batez besteko adina 45,1 urtekoa da. Generoari dagokionez, % 52 emakumeak dira eta % 48 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 37.441 pertsonakoa da, eta heriotza kopurua 791koa da.