Nafarroako Gobernuak gaur berretsi egin du ez duela ebazpenik eman beharko gaueko etxeratze aginduari eusteko. Izan ere, urriaren 25ean onartu zen dekretuaren arabera, gaueko mugikortasunaren murrizketa Espainiako Gobernuak deklaratutako alarma-egoera amaitu arte mantendu ahal dela aurreikusten da, hau da, 2021eko maiatzaren 9a arte.
Era berean, Txibiteren gobernuak «oso positibotzat» jo du «neurri horren eta gainerako neurrien betetze maila Nafarroako herritar gehienen aldetik».
Horrela bada, Nafarroako lehendakariak Foru Dekretu baten bidez bertzelakorik erabakitzen ez duen bitartean, gauez libreki zirkulatzeko murriztapenak indarrean segitu du.