Gure lurraldean pandemiaren hasieratik metatutako positiboak errepasatuz gero, 290 dira Doneztebeko osasun eremuan (Malerreka+Bertizarana) atzeman dituztenak, 422 Elizondoko eremuan (Baztan+Urdazubi+Zugarramurdi), 205 Leitzako eremuan (Arano+Areso+Goizueta+Leitza) eta 214 Bortzirietan.
Nafarroa osoko datuei dagokionez, atzo, urriak 7, 2.742 proba egin zituzten (2.403 PCR eta 339 antigeno-testa) eta horietatik 257k positibo eman zuten (%9,37)
Covid-19ak jota, atzo, azaroak 7, 3 pertsona ospitaleratu zituzten Nafarroan, horietatik 3 ZIUn, eta 5 hildakoren berri eman zuten. Alta eta bajen balantzea egin ondotik, orain 385 daude ospitalean, horietatik 63 ZIUn.
Adin-tartekako kasuen banaketari dagokionez, talde nagusia 45 eta 59 urte bitartekoa da (%23), atzetik 15-29 urtekoak eta 15 urtetik beheitikoak (%21). Ondotik, 30-44 urteko taldea dago (%14), eta 60tik 75era bitartekoa (%13). Azkenik, 75 urtetik gorako taldea dago (%8). Kasu berrien batez bertzeko adina 39,2 urtekoa da. Generoari dagokionez, % 52 emakumeak dira eta % 48 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 36.141 pertsonakoa da, eta heriotza kopurua 760koa da.