COVID-19: Azken datuak

Azken orduetan 17 positibo atzeman dituzte: zazpi Elizondoko eremuan, launa Bortziriak eta Doneztebekoetan eta bi Leitzakoan

Ttipi-Ttapa 2020ko aza. 5a, 15:15

Azken datuen arabera bertze 17 pertsona gehiago kutsatu dira. Horietatik zazpi Elizondoko eremuan (Elizondo +5 eta Arizkun +2), lau Bortzirietan (Bera +2 eta Lesaka +2), lau Doneztebeko eremuan (Doneztebe +2, Saldias +1 eta Zubieta +1) eta bi Leitzako eremuan (biak Leitzan).

 

Gure lurraldean pandemiaren hasieratik metatutako positiboak errepasatuz gero, 275 dira Doneztebeko osasun eremuan (Malerreka+Bertizarana) atzeman dituztenak, 399 Elizondoko eremuan  (Baztan+Urdazubi+Zugarramurdi), 192 Leitzako eremuan (Arano+Areso+Goizueta+Leitza) eta 202 Bortzirietan.

Nafarroa osoko datuei dagokionez, atzo, azaroak 4, 4.359 proba egin zituzten (3.297 PCR eta 1.062 antigeno-testa) eta horietatik 420k positibo eman zuten (%9,6)

Covid-19ak jota, atzo, azaroak 4, 25 pertsona ospitaleratu zituzten Nafarroan, horietatik 1 ZIUn, eta 2 hildakoren berri eman zuten. Alta eta bajen balantzea egin ondotik, orain 420 daude ospitalean, horietatik 61 ZIUn.

Ikuspegi geografikotik, Iruñean eta Iruñerrian daude positiboen %51, Tuteran %18 eta Lizarran %11. Gainerako positiboak (%20) Nafarroako bertze eskualde batzuen artean daude banatuak.

Adin-tartekako kasuen banaketari dagokionez, talde nagusia 30 eta 44 urte bitartekoa da (%23), ondotik 45 eta 59 urte bitartekoa (%21). Gero, 15 urtetik beheitikoak daude (%19); 75 urtetik goitikoak (%14); 60 eta 75 bitartekoak (%10); eta, azkenik, 15-29 urtekoak (%13). Kasu berrien batez bertzeko adina 42,3 urtekoa da. Generoari dagokionez, % 53 emakumeak dira eta % 47 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 35.210 pertsonakoa da, eta heriotza kopurua 739koa da.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun