Gure lurraldean pandemiaren hasieratik metatutako positiboak errepasatuz gero, 270 dira Doneztebeko osasun eremuan (Malerreka+Bertizarana) atzeman dituztenak, 380 Elizondoko eremuan (Baztan+Urdazubi+Zugarramurdi), 173 Leitzako eremuan (Arano+Areso+Goizueta+Leitza) eta 190 Bortzirietan.
Nafarroa osoko datuei dagokionez, atzo, urriak 30, 4.645 PCR eta antigenoen proba egin zituzten eta horietatik 580k positibo eman zuten (%12,5)
Covid-19ak jota, atzo, urriak 30, 46 pertsona ospitaleratu zituzten Nafarroan, horietatik 4 ZIUn, eta 5 hildakoren berri eman zuten. Alta eta bajen balantzea egin ondotik, orain 409 daude ospitalean, horietatik 58 ZIUn.
Adin-tarteei dagokionez, talde nagusia 45 eta 59 urte bitartekoa da, guztien %26a. Ondotik, 15 eta 29 urte bitarteko taldea, % 21; segidan, 30 eta 44 urte bitarteko taldea, % 16; ondotik, 60 eta 75 urte bitarteko taldeak eta 15 urtetik beheitikoak, % 15; eta azkenik, 75 urtetik goitikoen taldea, % 7. Kasu berrien batez bertzeko adina 41,7 urtekoa da. Generoari dagokionez, % 51 emakumeak dira eta % 49 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 32.751 pertsonakoa da, eta heriotza kopurua 709koa da.