Etxeratze aginduaren ordutegia ere finkatu dute: herritarrek ezin izanen dute kanpoan ibili 23:00etatik 06:00etara. Salbuespen batzuk ezarri dituzte etxetik ateratzeko: botikak erosteko, erietxera joateko, albaitariarengana larrialdi batekin joateko, lanera joateko, etxera itzultzeko eta adinekoak, adingabeak edo mendekotasuna dutenak zaintzeko.
Nafarroako Gobernuko lehendakariak, María Txibitek, foru dekretu bat sinatuko du bihar. Dekretu horrek Ministroen Kontseiluak igandean onartutako Alarmaren Egoerari buruzko Errege Dekretuan jasotako neurriak zehaztuko ditu.
