Pedro Sanchez Espainiako Gobernuko presidenteak igande honetan egin duen ezohiko Ministroen Kontseiluaren ondotik iragarri duenez, Espainia osorako alarma egoera onartuko dute, eta gaur arratsaldean sartuko da indarrean, koronabirusen pandemiaren bigarren olatua dela eta. Bere helburua Espainiako Gorte Nagusiek alarma egoera sei hilabetez luzatzea da, maiatzaren 9ra arte.
Bertzalde, autonomia-erkidegoetako presidenteei beren lurraldeetan eskuordetutako agintaritza izatea ahalbidetzen dien alarma egoeraren deklarazioak aukera emanen die autonomia erkidegoei beren lurraldeak erabat edo partzialki konfinatzeko.
Bidenabar, etxeratze-agindua ere ezarriko du 23:00etatik 06:00ak arte, baina autonomiek modulatu dezakete, 22:00etara aurreratuz eta gaueko hamabiak arte atzeratuz. Goizeko bortzetan edo zazpietan amaitzeko ere alda dezakete.
Bidenabar, etxeratze-agindua ere ezarriko du 23:00etatik 06:00ak arte, baina autonomiek modulatu dezakete, 22:00etara aurreratuz eta gaueko hamabiak arte atzeratuz. Goizeko bortzetan edo zazpietan amaitzeko ere alda dezakete.
Egoera hobetuko balitz alarma egoera altxatuko litzateke
Sanchezek azpimarratu duenez, alarma-egoera horren iraupena «ez da mugiezina», eta larrialdia gaindituz gero, bertan behera geldi daiteke, baina gaineratu du sei hilabeteko iraupena dela adituek aholkatzen duten epea, bigarren olatu hori ez ezik, Covideko etaparik «kaltegarriena» ere gainditzeko.
Sanchezek azpimarratu duenez, alarma-egoera horren iraupena «ez da mugiezina», eta larrialdia gaindituz gero, bertan behera geldi daiteke, baina gaineratu du sei hilabeteko iraupena dela adituek aholkatzen duten epea, bigarren olatu hori ez ezik, Covideko etaparik «kaltegarriena» ere gainditzeko.
Nafarroako Gobernuak bihar erabakiko du etxeratze-aginduaren ordutegia aldatuko duen edo ez
Maria Txibite lehendakariak gogorarazi du argitaratutako azken foru-aginduan jasotako murrizketek indarrean segitzen dutela, eta gaur gaueko etxeratze-agindua 23:00etan hasiko dela, Espainiako Gobernuak onartu duenaren arabera; hala ere, bihar ordutegi hori mantenduko edo aldatuko den aztertuko du Nafarroako Gobernuak, baita bertze neurri osagarri batzuk ere.