N-121-A errepidearen Gipuzkoako zatian obrak irauten duten bitartean kamioiak desbideratzea eskatu dute Bortzirietako alkateek

N-121-A errepideko trafiko guztia GI-3455 errepide estutik pasatzen da orain, arrisku egoera larriak sortuz.

Bortzirietako alkateek Nafarroako Gobernuari eta Gipuzkoako Foru Aldundiari idazki bat bidali diete «ezbeharren bat gertatu aitzinetik» N-121-A errepidearen Gipuzkoako tartea obrak dirauten bitartean neurriak hartu behar direla eskatuz. Duela gutxi, bertze arrazoi batzuengatik, zirkulazio astuna murriztu zuten agintariek, matrikula bikoitien eta bakoitien bidez. Alkateek diotenez, oraingo egoera nahiko larria da neurri horiek berriz aplikatzeko.

Idazki horretan diotenez, «gure harridurarako, errepide zaharraren ezaugarriak zeintzuk diren jakinda eta dagoen arriskua kontuan izanda, ez da inongo neurri gehigarririk hartu: kamioiak desbideratzea edo salgaiak garraiatzeko ibilgailuen zirkulazioa mugatzea adibidez. Matrikula bikoitz eta bakoitien bidez egin izan da bertze egoera batzuetan orain dela ez aunitz». 

Herritarren kexak

Egoera hau dela eta, aste hauetan zehar «errepidearen erabiltzaileen aldetik hainbat kexa» jaso dituztela diote alkateek, «trafikoa hagitz trinkoa baita, kamioiz betea, eta aunitzetan, errepidea beraren eta abiaduraren baldintzak direla eta, kamioiak kontrako erreian sartzen dira». Segurtasun ezak kezka sortzen die alkateei; zoritxarrez, –diote euren idatzian– «ez dugu mugitzeko bertze errepide edo alternatibarik. Jada hainbat 'susto eta eskapada' izan dira». 

Orain, N-121-A errepidearen Gipuzkoako zatian obratan ari direnean, ez da argi-seinale berezirik jarri arriskuaz ohartaraziz. Duela gutxi, bertze arrazoi batzuengatik, zirkulazio astuna murriztu zuten agintariek, matrikula bikoitien eta bakoitien bidez. Oraingo egoera nahiko larria da neurri hori berriro aplikatzeko. Duela bi urte bost hilabetez A-15 errepidetik egin zen garraioaren desbideratze partziala aipatu dute alkateek. Eta Belateko tuneletan hobekuntzak egiten zituzten asteetan ibilgailu astunen joan-etorria arautu zuten agintariek, kamioien matrikula bikoitiaren edo bakoitiaren arabera.

Erlazionatuak

GUTUNA: Bortzirietako alkateek GI-3455 errepidean neurriak hartzeko eskatu dute

Bortziriak

Irailaren 21az geroztik Intxaurreta eta Gurutze arteko lotuneen artean N-121-A errepidea itxita dago eta GI-3455 errepide zaharretik bideratua da t...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun