Pandemiaren hasieratik metatutako positiboak errepasatuz gero, 181 dira Doneztebeko osasun eremuan (Malerreka+Bertizarana) atzeman dituztenak, 220 Elizondoko eremuan (Baztan+Urdazubi+Zugarramurdi), 116 Leitzako eremuan (Arano+Areso+Goizueta+Leitza) eta 143 Bortzirietan.
Nafarroa osoko datuei dagokionez, atzo 2.614 PCR proba egin zituzten eta horietatik 302k positibo eman zuten, %11,5
Covid-19ak jota, atzo 20 pertsona ospitaleratu zituzten Nafarroan, eta bi pertsona hil ziren. Alta eta bajen balantzea egin ondotik, orain 239 daude ospitalean, horietatik 25 ZIUn.Adin-tarteei dagokienez, talde nagusia 45 eta 59 urte bitartekoa da (%24), eta atzetik 15 eta 29 urte bitartekoa (%22). Ondotik, 30 eta 44 urte bitarteko taldea (%18) eta 15 urtetik beheitikoak (%15). Azkenik, 60-75 urteko taldea (%12) eta 75 urtetik goitikoa (%9). Generoari dagokionez, % 48 emakumeak dira eta % 52 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 19.464 pertsonakoa da, eta heriotza kopurua 584koa da.