Pandemiaren hasieratik metatutako positiboak errepasatuz gero, 181 dira Doneztebeko osasun eremuan (Malerreka+Bertizarana) atzeman dituztenak, 216 Elizondoko eremuan (Baztan+Urdazubi+Zugarramurdi), 116 Leitzako eremuan (Arano+Areso+Goizueta+Leitza) eta 143 Bortzirietan.
Nafarroa osoko datuei dagokionez, atzo 2.953 PCR proba egin zituzten eta horietatik 245ek positibo eman zuten, %8,1
Covid-19ak jota, atzo 31 pertsona ospitaleratu zituzten Nafarroan, eta 3 pertsona hil ziren. Alta eta bajen balantzea egin ondotik, orain 196 daude ospitalean, horietatik 27 ZIUn.Adin-tarteei dagokienez, atzoko talde nagusia 15 eta 29 urte bitartekoa izan zen (%25), eta atzetik 30-44 urte bitartekoa (%24). Ondotik, 45 eta 59 urte bitarteko taldea dago (%21); gero, 60 eta 75 urte artekoa (%14); segidan, 15 urtetik beheitikoak (%11); eta azkenik, 75 urtetik goitikoak (%5). Kasu berrien batez bertzeko adina 41,4 urte da. Generoari dagokionez, % 43 emakumeak dira eta % 57 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 18.886 pertsonakoa da, eta heriotza kopurua 582koa da.