Azken astean eskualdeko 51 kasu positiboetatik 33 Baztanen atzeman dituzte

Joan den asteazkenaz geroztik 51 kasu berri erregistratu dituzte eskualde osoan, eta 51 horietatik 33 Elizondoko osasun eremuan atzeman dituzte, 10 Bortzirietan, 7 Doneztebeko osasun eremuan eta 1 Leitzakoan. Eta fokua oraindik gehiago zabalduta, duela hilabete batetik honat, ia bikoiztu egin da positiboen kopurua. Abuztuaren 30ean 351 kasu zeuden erregistratuak eskualdean, gaur 641 dira (+290); igoerarik handiena kopuru absolutuetan Bortzirietan izan dute (+101 kasu), ondotik Leitzako eremuan (+79 kasu), segidan Elizondoko eremuan (+69 kasu) eta azkenik Doneztebeko eremuan (+41 kasu).