Pandemiaren hasieratik metatutako positiboak errepasatuz gero, 176 dira Doneztebeko osasun eremuan (Malerreka+Bertizarana) atzeman dituztenak, 208 Elizondoko eremuan (Baztan+Urdazubi+Zugarramurdi), 114 Leitzako eremuan (Arano+Areso+Goizueta+Leitza) eta 143 Bortzirietan.
Nafarroa osoko datuei dagokionez, atzo 3.019 PCR proba egin zituzten eta horietatik 265ek positibo eman zuten, %8,8
Covid-19ak jota, atzo 16 pertsona ospitaleratu zituzten Nafarroan, eta 2 pertsona hil ziren. Alta eta bajen balantzea egin ondotik, orain 237 daude ospitalean, horietatik 24 ZIUn.Adin-tarteei dagokienez, atzokoan talde nagusia 45 eta 59 urte bitartekoa izan zen (%25); ondotik, 30 eta 44 urte bitartekoa (%24); segidan, 14 urtetik beheitikoak (%20) eta 15 eta 29 urte bitartekoak (%14). Azkenik, 60 eta 75 urte bitarteko taldea (%11) eta 75 urtetik gorakoak (%6). Kasu berrien batez bertzeko adina 39,6 urtekoa da. Generoari dagokionez, % 53 emakumeak dira eta % 47 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 18.083 pertsonakoa da, eta heriotza kopurua 574koa da.