Pandemiaren hasieratik metatutako positiboak errepasatuz gero, 170 dira Doneztebeko osasun eremuan (Malerreka+Bertizarana) atzeman dituztenak, 190 Elizondoko eremuan (Baztan+Urdazubi+Zugarramurdi), 113 Leitzako eremuan (Arano+Areso+Goizueta+Leitza) eta 142 Bortzirietan.
Nafarroa osoko datuei dagokionez, atzo 3.610 PCR proba egin zituzten eta horietatik 352k positibo eman zuten, %9,75
Covid-19ak jota, atzo 18 pertsona ospitaleratu zituzten Nafarroan, eta ez zen heriotzarik izan. Alta eta bajen balantzea egin ondotik, orain 218 daude ospitalean, horietatik 26 ZIUn.Adin-tarteei dagokienez, atzoko bi talde nagusiak 15 eta 29 urte bitartekoak izan ziren (%25); ondotik, 45 eta 59 urte bitartekoak (%21) eta 30-44 urtekoak (%19); ondotik, 14 urtetik beheitikoak (%17); eta, azkenik, 60 eta 75 urte bitartekoak (%10) eta helduak (%10). Kasu berrien batez bertzeko adina 37,4 urtekoa da. Generoari dagokionez, % 58 emakumeak dira eta % 42 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 16.879 pertsonakoa da, eta heriotza kopurua 564koa da.