Herriek hartuko duten dirua inbertsio zehatz batzuk egiteko erabili ahal izanen dute. Izan ere, energia-eraginkortasunarekin, hiri-mugikortasun jasangarriarekin, udal-eraikinen egokitzapenarekin, banda zabaleko konektibitatearekin eta uraren erabileraren eraginkortasunarekin lotuta dauden inbertsioak izanen dira finantzagarri.
Jarduera horiek, udal-azpiegiturak eta -zerbitzuak hobetzeaz gain, bat datoz Klimaren eta Energiaren aldeko Alkateen Itunarekin eta 2030eko Garapen Iraunkorreko Helburuekin, eta tokiko sektoretik laguntzen dute klima-aldaketaren aurkako borrokan eta gure herri eta hirietako emisioak murrizten.
Udalek 2020ko martxoaren 14tik 2021eko irailaren 30era bitartean egin beharko dituzte inbertsioak. Gainera, horietan udalerri onuradunak gutienez %15eko kofinantzaketa eskatzen du, eta horrek eragin biderkatzailea izanen du tokiko ekonomietan.
272 udalerrien artean 13,5 milioi euro banatzeari dagokionez, biztanle-kopuruaren arabera kalkulatu da. Hala, gutieneko zenbatekoa 10.000 eurokoa izanen da 100 biztanletik behitiko herrietan, eta gehieneko ekarpena 400.000 eurokoa izanen da udalerrian erroldatutako biztanleak 50.000 baino gehiago izanez gero.
Hauek dira udalerri onuradun bakoitzak diru aurreratze gisa hartuko dituen zenbatekoak
| Biztanleak | UDALERRIA | Transferentzia |
| 116 | Arano | 19.000,00 |
| 597 | Arantza | 40.000,00 |
| 279 | Areso | 19.000,00 |
| 7.777 | Baztan | 171.616,00 |
| 220 | Beintza-Labaien | 19.000,00 |
| 3.736 | Bera | 110.000,00 |
| 612 | Bertizarana | 44.288,00 |
| 433 | Donamaria | 19.000,00 |
| 1.726 | Doneztebe | 65.000,00 |
| 220 | Elgorriaga | 19.000,00 |
| 151 | Eratsun | 19.000,00 |
| 813 | Etxalar | 40.000,00 |
| 146 | Ezkurra | 19.000,00 |
| 704 | Goizueta | 40.000,00 |
| 639 | Igantzi | 40.000,00 |
| 511 | Ituren | 40.000,00 |
| 2.913 | Leitza | 86.528,00 |
| 2.741 | Lesaka | 86.528,00 |
| 129 | Oiz | 19.000,00 |
| 122 | Saldias | 19.000,00 |
| 675 | Sunbilla | 40.000,00 |
| 349 | Urdazubi | 19.000,00 |
| 183 | Urroz | 19.000,00 |
| 303 | Zubieta | 19.000,00 |
| 219 | Zugarramurdi | 19.000,00 |
| 1.050.960,40 |
25 milioi udalei, Covid-19ren beharrei aitzin egiteko
Nafarroako Gobernuak, 2020an, 25 milioi euro emanen dizkie Nafarroako udalei, Covid-19 epidemiaren ondoriozko beharrei erantzuteko.
Tokiko ekonomia bultzatzeko 25 milioi euroko ezohiko funts horretatik 13,5 milioi euro ordainduko dituzte aste honetan. Gainera, uztailean ordaindutako bertze 10,5 milioi eurori esker, pandemiak bereziki kaltetutako zerbitzu publikoak bermatu ahal izanen dira 0-3 urte bitarteko haur-eskoletan, musika-eskoletan, kirol-zerbitzuetan, hirugarren adinekoen egoitzetan eta eguneko zentroetan, aparkalekuetan, bizitza pertsonala, lana eta familia uztartzeko neurrietan, merkataritza bultzatu ahal izanen da, eta tokiko erakundeek gastu handiagoei eta diru-sarrera ttikiagoei aitzin egin ahal izanen diete. Azkenik, bertze milioi bat euro bideratuko dira Nafarroako toki-erakundeen titulartasuneko hiri-garraio publikoko zerbitzuei laguntzeko.
Kreditu berezi hori Toki Ogasunen Partaidetza Funtsari atxikitako diruzaintzako gerakinaren kontura finantzatuko da.
Toki entitateei aholku emateko gida
Toki Administrazioko eta Despopulazioko Zuzendaritza Nagusiak gida bat prestatu eta zabaldu du, toki-erakundeei 25 milioi euroko funts horri buruzko aholkuak emateko. Gida horretan, funtsaren erregulazioa eta banaketa ageri dira. Gainera, udalentzat interesgarriak diren gaiak zehazten dira, hala nola kreditu berezi honen inguruan egin beharreko prozedurak, justifikatzeko epeak eta aurkeztu beharreko agiriak.
Era berean, dokumentuak azaltzen du zer motatako jarduerak finantzatu daitezkeen. Udal-instalazioetako energia-eraginkortasuneko inbertsioak sartzen dira, hala nola berokuntza, inguratzailea, argiztapena, energia-kudeaketa, energia berriztagarriaren ekoizpena edo mugikortasun elektrikoaren sustapena berritzea; hiri-mugikortasun iraunkorreko planak idaztea, oinez eta bidegorrietan joan-etorriak sustatzeko proiektuak edo irisgarritasun unibertsaleko planak; udal-zuzkiduren araudietara egokitzea; banda zabala hedatzeko azpiegiturak; eta ura erabiltzeko sistema eraginkorrak ezartzeko inbertsioak, hala nola drainatze-sistemak. Jasangarria, kontsumoa murrizteko jarduerak edo eko-ikuskapenak.