Azken astean eskualdean erregistratu diren 60 positiboetatik 30 Bortzirietan atzeman dituzte

Egunero argitaratzen ditugun datuen eta kopuruen zurrunbiloan sartuta, ez da erraza ohartzea zenbaterainokoa den azken asteotan Covid-19aren kasu berriek gure herrietan hartu duten bolumena. Fokua pixka bat zabalduz gero, joan den ortziraleaz geroztik 60 kasu berri erregistratu dituzte eskualde osoan, eta 60 horietatik 30 Bortzirietan atzeman dituzte, 15 Elizondoko osasun eremuan, 8 Doneztebekoa eta 7 Leitzakoan. Baina fokua orain gehiago zabalduta, duela hilabete batetik honat, ia-ia bikoiztu egin da positiboen kopurua. Abuztuaren 18an 295 kasu zeuden erregistratuak eskualdean, gaur 557 dira (+262); igoerarik handiena kopuru absolutuetan Leitzan izan dute (+96 kasu), ondotik Bortzirietan (+87 kasu), segidan Doneztebeko eremuan (+50 kasu) eta azkenik Elizondoko eremuan (+29 kasu).