Ospakizunak, aisialdia eta ikuskizunak
Neurri berrien artean, %75etik %50era jautsiko da gurtza-lekuetako gehieneko edukiera; ezkontza-ospakizunek eta izaera sozial, erlijioso edo zibileko bertze ospakizun batzuek, berriz, 75 lagun izanen dituzte gehienez ere aire zabalean eginez gero, eta 35 toki itxietan. Otorduetan, mahaiaren inguruan bildutako taldeek ez dituzte 10 pertsona baino gehiago izanen eta higiene eta prebentzio neurriak bete beharko dituzte: pertsonen artean 1,5 metroko distantzia, maskara erabili eta eskuak garbitu.
Gaueko aisialdian diharduten establezimenduei dagokienez, diskotekak eta dantzalekuak itxita segituko dute (hilaren 17ko Foru Dekretuan ezarri bezala). Ostalaritzako establezimendu guztietan, aldiz, ez da muga berririk ezarriko: edukieraren %75 barnealdean eta %100 terrazetan.
Muga berriak ikuskizun-aretoentzat (zinemak, antzokiak, auditorioak, zirkua, eta abar).
Zehazki, gehieneko edukieraren %75ari eutsiko zaio, baina lokal itxien kasuan 350 pertsona baino gehiago elkartzekotan edo, aire zabaleko instalazioetan 700 pertsona baino gehiago, kasu horietan, erakunde sustatzaileak nahitaezko txosten loteslea eskatu beharko dio Nafarroako Osasun Publikoaren eta Lan Osasunaren Institutuari eta erakunde horrek zehaztuko ditu ekitaldia egiteko behar diren neurri zehatzak.
Haurtzaindegiak eta adinekoen zentroak eta dantza-akademiak