Osasunbidearen arabera, Nafarroan azkeneko orduetan bi pertsona hil dira koronabirusak jota

Datuen eguneraketa: maiatzak 21, 17:00etan   |   Azken 24 orduetan Nafarroan bi pertsona hil dira Covid-19 birusak jota. Hartara, orain arte erregistratu dituzten hildakoak 506 dira. Epidemia hasi zenetik, 8.690 dira Osasunbideak baieztatu dituen positiboak, horietatik 5.195 PCR proben bitartez eta 3.495 antigorputzen testaren bitartez. Positibo aktiboei dagokionez (kutsatuak - sendatuak - hildakoak), 3.888 dira orain ofizialki zenbatutakoak, atzo baino 12 gutiago. Eritasuna gainditu dutenei dagokionez, 4.296k hartu dute alta epidemiologikoa, horietatik 123k azkeneko orduetan.