Lehenengo aldiz Nafarroan, sendatutakoen kopuruak (4.009) positibo aktiboen kopurua gainditu du (3.924)

Datuen eguneraketa: maiatzak 19, 11:30ean   |   Bigarren egunez segidan, Nafarroan ez da inor hil Covid-19 birusak jota. Hartara, 503 dira guztira Covid-19arekin hil direnak. Epidemia hasi zenetik, 8.436 dira Osasunbideak baieztatu dituen positiboak, horietatik 5.208 PCR proben bitartez eta 3.228 antigorputzen testaren bitartez. Positibo aktiboei dagokionez (kutsatuak - sendatuak - hildakoak), 3.924 dira orain ofizialki zenbatutakoak, atzo baino 3 gutiago. Eritasuna gainditu dutenei dagokionez, 4.009k hartu dute alta epidemiologikoa, horietatik 104k azkeneko orduetan.