Azken orduetan Nafarroan ez da inor hil Covid-19ak jota eta 30 positibo erregistratu dituzte PCR proben bitartez

Datuen eguneraketa: maiatzak 18, 11:30ean   |   Azken 24 orduetan Nafarroan ez da inor hil Covid-19 birusak jota. Hartara, orain arte erregistratu dituzten hildakoak 503 dira. Epidemia hasi zenetik, 8.335 dira Osasunbideak baieztatu dituen positiboak, horietatik 5.178 PCR proben bitartez eta 3.157 antigorputzen testaren bitartez. Positibo aktiboei dagokionez (kutsatuak - sendatuak - hildakoak), 3.927 dira orain ofizialki zenbatutakoak, atzo baino 112 gutiago. Eritasuna gainditu dutenei dagokionez, 3.905ek hartu dute alta epidemiologikoa, horietatik 154k azkeneko orduetan.