Azken orduetan Nafarroan 11 positibo erregistratu dituzte PCR proben bitartez eta 93 gaixotuk alta hartu dute

Datuen eguneraketa: maiatzak 17, 11:30ean   |   Badira hiru egun segidan Nafarroako ospitaletan ez dela inor ingresatu koronabirusarengatik. Gainerakoan, azken 24 orduetan Nafarroan bi hildako gehiago erregistratu dituzte. Guztira, 503 dira Covid-19 birusagatik Nafarroan erregistratu dituzten hildakoak. Epidemia hasi zenetik, 8.293 dira Osasunbideak baieztatu dituen positiboak, horietatik 5.148 PCR proben bitartez eta 3.145 antigorputzen testaren bitartez. Positibo aktiboei dagokionez (kutsatuak - sendatuak - hildakoak), 4.039 dira orain ofizialki zenbatutakoak, atzo baino 37 gutiago. Eritasuna gainditu dutenei dagokionez, 3.751k hartu dute alta epidemiologikoa, horietatik 93k azkeneko orduetan.