Nafarroan 11 positibo erregistratu dituzte PCR proben bitartez eta 150 gaixotuk alta hartu dute

Datuen eguneraketa: maiatzak 15, 11:30ean   |   Azken 24 orduetan Nafarroan bi hildako erregistratu dituzte. Guztira, 500 dira Covid-19 birusagatik Nafarroan erregistratu dituzten hildakoak. Epidemia hasi zenetik, 8.082 dira Osasunbideak baieztatu dituen positiboak, horietatik 5.116 PCR proben bitartez eta 2.966 antigorputzen testaren bitartez. Positibo aktiboei dagokionez (kutsatuak - sendatuak - hildakoak), 4.032 dira orain ofizialki zenbatutakoak, atzo baino 39 gehiago. Eritasuna gainditu dutenei dagokionez, 3.550ek hartu dute alta epidemiologikoa, horietatik 150ek azkeneko orduetan.