Nafarroan 66 alta eta PCRrekin detektatutako 30 positibo gehiago erregistratu dituzte

Datuen eguneraketa: maiatzak 6, 11:30ean   |   Azken 24 orduetan Nafarroan bertze bortz hildako zenbatu dituzte. Guztira, 476 dira Covid-19 birusagatik Nafarroan erregistratu dituzten hildakoak. Epidemia hasi zenetik, 6.770 dira Osasunbideak baieztatu dituen positiboak, horietatik 4.966 PCR proben bitartez eta 1.804 antigorputzen testaren bitartez. Positibo aktiboei dagokionez (kutsatuak - sendatuak - hildakoak), 3.666 dira orain ofizialki zenbatutakoak, atzo baino 138 gehiago. Eritasuna gainditu dutenei dagokionez, 2.628k hartu dute alta epidemiologikoa, horietatik 66k azkeneko orduetan.