Nafarroan PCR bidez 85 positibo gehiago atzeman dituzte, 431 hasieratik, eta bertze bi hildako azken orduetan

Datuen eguneraketa: apirilak 26, 11:30ean   |   Epidemia hasi zenetik, 5.452 dira Nafarroako Osasunbideak baieztatu dituen positiboak, horietatik 4.712 PCR proben bitartez eta 740 antigorputzen testaren bitartez. Positibo aktiboei dagokionez (kutsatuak - sendatuak - hildakoak), 3.186 dira orain ofizialki zenbatuta daudenak, atzo baino 78 gehiago. Bertzalde, azken orduetan 2 pertsona hil dira Covid-19 birusaren ondorioz eta, hartara, 431ra igo da hildakoen kopurua. Hildako 431 pertsona horien adin-tartea 26 eta 107 urte artekoa da, eta batez bertzeko adina 83 urtekoa. Epidemia hasi zenetik, 1.835ek hartu dute alta epidemiologikoa, horietatik 98k azkeneko orduotan.