Nafarroan 117 positibo gehiago atzeman dituzte azken orduetan eta bertze 8 hildako zenbatu

Datuen eguneraketa: apirilak 24, 11:30ean   |   Epidemia hasi zenetik, 5.180 dira Nafarroako Osasunbideak baieztatu dituen positiboak, 117 gehiago atzotik. Positibo aktiboei dagokionez, 3.207 dira orain arte ofizialki zenbatuta daudenak, atzo baino bi gutiago. Bertzalde, azken orduetan 8 pertsona hil dira Covid-19 birusaren ondorioz eta, hartara, 417ra igo da hildakoen kopurua, horietatik 294 ospitalean eta 123 ospitaletik kanpo. Hildako 417 pertsona horien adin-tartea 26 eta 107 urte artekoa da, eta batez bertzeko adina 83 urtekoa. Epidemia hasi zenetik, 1.552k hartu dute alta epidemiologikoa, horietatik 107k azkeneko orduotan.