Behar-beharrezkoak ziren kasuetan baino ez dituzte irekiko osasun zentroetako ateak, eta hala denean, neurri bereziak hartuko dituzte, bertzeak bertze, banaka artatuz eta garbitasuna zainduz. Leitzako osasun zentrotik adierazi dutenez, koronabirusaren susmoa baldin badute, ohikoa ez den bide batetik artatuko dituzte gaixoak.
Koronabirusa
Mediku etxera hurbildu aitzinetik deitzeko eskatu dute osasun zentroetatik
Lehendik hitzorduak hartuak zituzten pazienteei ordua gibelatu egin diete Elizondo, Doneztebe, Lesaka eta Leitzako osasun zentroetan eta ahal dela gaixoak telefono bidez artatuko dituztela jakinarazi diote TTIPI-TTAPAri. Behar-beharrezkoak diren larrialdi kasuak baino ez dira ari aurrez aurre artatzen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun