Etxetik zertarako atera daiteke?
- Jatekoa, botikak eta beharrezko produktuak erosteko.
- Osasun zerbitzuak jasotzeko.
- Lanera joateko –ixteko agindua duten lantokien kasuan izan ezik–.
- Adinekoak, haurrak edo menpekotasuna dutenen zaintza lanak egiteko.
- Bankura edo aseguru etxera joateko.
- Arrazoi larriren bat tartean baldin bada.
- Etxeko animalia paseatzeko.
Kirola egitera edo buelta bat ematera atera daiteke?
- Ezin da parkera, frontoira, kiroldegira edota liburutegira joan. Gainera, eskualdeko udal gehienek udal eraikinak ixtea erabakia dute.
- Kirola egitera ere ezin da etxetik atera.
- Ezin da karrikan lagunekin edo senideekin gelditu, ezta norbaiten etxera joan ere. Zaintza lana egiteko edo larrialdiren bat baldin bada bai, baina bertzela ez.
- Udaletxeetan eskaerak telefonoz edo posta elektronikoz egiteko eskatu dute.
Zein denda edo lantoki egonen dira zabalik?
Espainiako Gobernuak enpresa pribatu zein publikoei telelana bultzatzeko dei berezia egin die.
- Janari eta edari-dendak, botikak, osasun zentroak, optikak, produktu ortopedikoen dendak, garbiketa produktuen dendak, prentsa dendak, estankoak, animalientzat jatekoa saltzen duten dendak, tindategiak, ile-apaindegiak –etxez etxeko zerbitzua–, Internet bidezko erosketak, produktu eta zerbitzu teknologikoak eta telekomunikazioak saltzen dituzten dendak.
- Ostatuak eta jatetxeak itxita. Baina etxez etxeko zerbitzua eskaintzeko aukera izanen dute.
Garraio zerbitzuak
- Etxetik ateratzea baimenduta dagoen kasuetarako baldin bada, ibilgailua hartu daiteke, baita garraio publikoa ere. Hori bai, txartelekin ordaintzeko agindu dute.
Debekuari kasurik ez egitearen ondorioak
- Salbuespen egoeren gainetik, etxetik ateratzeko debekua ez errespetatzeak 100 euro eta 600.000 euro bitarteko isuna jaso dezake.
Noiz arte iraunen du alarma egoerak?
- Atzo sartu zen indarrean eta guttienez hamabortz egunez iraunen du, hau da, martxoaren 29ra arte.